أنا ما اهديت لك قلب عشــان أنتي تخونينـــــــه 

ولا حطـّيت في بـــالي يجي يـــوم وتخونينـــــي

أنا هاقي تحبـّــيني وقلبـــــي ما تخلـّـــــينـــه

 كذبت وقلت لك برحــل تمنــّــيتك تنــادينــــــي

وجيتي خافقي بورد على الفرقــــــا تهنـّــينــــه

 أنا من كذبتي مجـــروح جيتي انتي تزيدينــي

ذبحتي من ورى ضلوعي خفوقٍ ضيـّـع سنينـــــه

 على بــــاله تحبــّـــيني طلعتي ما تحبــّـيني

يجوز لسيفهـــا طعنـي كـأنـّـي ماني من دينـه

حشى لو كنت انا كـافر يجوز إنـّـك رحمتينــي

لكنـه الحب كفـّـرني وخلانــي كذا بعينـــــــه

 وأنا استــاهل مدام انــّــي عطيت القلب بيدينــي

صحيح بهالزمن واجد وكل الناس من طينــــــه

 ولكن لو تلفــّــيهم قليل تـلاقي من طينـــــــي

أنا فرقي عن العــالم عطيتك قلب تشقينــــه

 اذا غيري طعن قلبـــك تردّي طعنهم فينــــي

ترى في كذبك وغدرك خفــوقي ما تحكمينــه

 وترى ماني على كيفك تبيعيني وتشرينـــي

انا ذاك الغريب اللي كسفتــي مدّت ايدينـــــــه

 زرعت الورد بـدروبك وانا للشــوك ترمينــــي

كرهتك كثر ما صفــّـق فقيــر الحــال بيدينه

كرهتك كثر ما ضــاعت من اسبابك عنـاويني

طلبتك لا ترجــّـيني وقلبي لا ترجـــّـينــــــه

 وطلبتك قبــل لا تقفي دموعـك لا تورّينـــي

وش اللي يشفع لدمعك عشان انتي تهلـّــينـه

 ترى ماعادني راجعه عقب ما انتي ذبحتينــي

يهون الجرح بعيوني ولاقلبي تذلينــــــــه

 يموت الحب قدّامــي ولا اشوفــك تهينيــنــي

ادوس القلب لو يسمح ولو مرّه تزورينـــــه

 مدامه في سما حبـّـك توفــّـت أجمـل سنينـي

وانا ادريبك تبي تندم وقلبي بكره بتجينه

 ولكن قبل ما ترجع تـأكـّد منت لاقينـــــــــي

انا اهديت لك قلبي عشان انتي تصونينـه

 ولا حطـّـيت في بــالي يجي يوم وتخونينـي